1976 йылда СДПИ-ның математика кафедраһы бүленеү менән бәйле алгебра һәм геометрия кафедраһы барлыҡҡа килә. Кафедраның тәүге составына Хәмзин Х.Х., Тов А.М., Биктәшева Л.З., Иванова Т.В., Гуревич Э.Е., Ибатуллина Э.Ф., Вәлитова С.Л., Рафиҡова Ф.М., Тов А.М., Салауатова С.С., Шмалаков Ю.Г., Челомбиев А.В., Аншаков О.М. инә, улар алгебра, геометрия, математиканы уҡытыу методикаһы буйынса дәрестәр алып баралар.

Кафедраның тәүге мөдире талантлы уҡытыусы, педагогия фәндәре кандидаты, профессор, Рәсәй Федерацияһының юғары мәктәбенең атҡаҙанған хеҙмәткәре һәм мәғариф алдынғыһы, БАССР мәктәбенең атҡаҙанған уҡытыусыһы Фидая Миңғәзи ҡыҙы Рафиҡова була. Ул геометрия, алгебра һәм һандар теорияһы, элементар математика, математиканы уҡытыу методикаһы, математик мәсьәләләрҙе сисеү буйынса практикум дәрестәрен алып бара, курс һәм диплом эштәре, студенттарҙың педагогик практикаһы менән етәкселек итә, махсус семинар һәм махсус курстар алып бара. Уның ғилми тикшеренеүҙәре мәктәптә һәм вузда алгебраны уҡытыу менән бәйле. Кафедра тәүге йылдарҙан уҡ республиканың һәм ҡаланың мәктәптәре менән хеҙмәттәшлек итә: институтта һәр ваҡыт уҡыусылар өсөн даими лекторий һәм физика-математика мәктәбе эшләй, уҡытыусылар даими рәүештә мәктәптәргә лекциялар менән сыға. Был осорҙа йәш математиктар йәмғиәте (ЙМЙ) әүҙем эшләй.

Оҙаҡ йылдар кафедраның йөҙөн Хәмзин Х.Х., Биктәшева Л.З., Тов А.М., Гуревич Э.Е., Иванова Т.В., Ибатуллина Э.Ф. кеүек тәжрибәле уҡытыусылар билдәләнеләр.

Гуревич Эрик Ефим улы һәм Иванова Татьяна Василий ҡыҙы (хәҙер – пенсионерҙар) үҙ ваҡытында аспирантураны тамамланылар, үҙәк матбуғатында баҫмалары булды. Әммә ҙур уҡыу йөкләмәһе һәм көнкүреш ғалим дәрәжәһен алырға бирмәне.

1985 йылдан 1997 йылға тиклем кафедра менән Михайлов Павел Никон улы идара итә. Ул ваҡытта кафедрала 17 кеше эшләй. Кафедра башланғыс класс математикаһы (Ҡанбәкова Р.В., Гребенникова Н.Л.) һәм һыҙма геометрия (Ҡарҙаш В.Ф.) уҡытыусылары менән тулыландырыла. Был йылдарҙа кафедраның күп йәш уҡытыусылары Мәскәү вуздарында стажировка үттеләр һәм аспирантурала уҡынылар. Был юғары һәм урта белем биреү өлкәһендә инновацион технологияларҙы индереү осоро була, кафедра ағзалары мәктәптә һәм вузда математиканы уҡытыу методологияһы проблемаһы буйынса ижади дискуссияларҙа әүҙем ҡатнаштылар. 1995 йылдың декабрендә кафедра составы, методик дисциплиналарҙы уҡытҡан уҡытыусыларҙы берләштергән, математиканы һәм физиканы уҡытыу теорияһы һәм технологияһы кафедраһы барлыҡҡа килеү менән үҙгәрештәр кисерә. Яңы кафедраның эшләү осоронда (1995 йылдан алып 2009 йылға тиклем) профессор Салауатова Самира Сәлих ҡыҙы кафедра менән етәкселек итә.

1997 йылда кафедра мөдире вазифаһын башҡарыу өсөн профессор, физика-математика фәндәре докторы Фәрит Хәмзә улы Мөкминов саҡырыла. Кафедраның ғилми тормошо яңы йүнәлеш ала – “Дифференциаль тигеҙләмәләрҙә алгебра һәм геометрия методтары” темаһы раҫлана. Был тема кафедрала эшләгән алгебра, геометрия һәм дифференциаль тигеҙләмәләр белгестәрен дә ҡәнәғәтләндерә - Ф.Х. Мөкминовтың үҙен, уның уҡыусылары Л.М. Кожевникованы, А.А. Бормисовты, Н.А. Хисаметдинованы, И.М. Бикҡоловты һәм Л.Е. Мартыновты, А.Н. Вилдановты – ф.-м.ф.д. И.Т.Хәбибуллиндың аспирантын һәм Г.Г. Шәрәфетдинованы (Бикҡолованы) – ф.-м.ф.д. К.Б. Сабитовтың аспирантын.

2004 йылдан 2007 йылға тиклем кафедра менән физика-математика фәндәре кандидаты, доцент Вәхитов Р.Х. етәкселек итә. Ул В.И.Ленин исемендәге МДПИ-ның аспирантураһын тамамлай, һәм моғайын, алгебраик структуралар буйынса Башҡортостанда берҙән-бер белгес була.

Әлеге мәлдә кафедраны Павел Никон улы Михайлов етәкләй.